Serbske ludowe zastupnistwo
Sorbische/wendische Volksvertretung
Sorbian/Wendish People’s Representation

Serbski sejm – napjate wideokonferencne posedźenje

Spočatnje diskutowachu so w rozmołwach ze zastupjerjemi Instituta za ekologiju a akcisku entnologiju a Greenpeace prawa Serbow při zdźerženju přirodnych žiwjenskich zakładow kaž tež jich znowanabyće po bliskim kóncu wudobywanja brunicy a naskicowachu so wažne móžnosće jednanja. Tak ma so na př. doraznje za to skutkować, zo so principej zawinowanja slěduje. To rěka, zo dyrbjeli so zarunanske pjenjezy, kiž stat před někotrymi dnjemi LEAG přilubi, składować jako před insolwencu wěste załožki za naslědne škody jeje předewzaćelskeho dźěła a so njewotwjesć ako profit.

Potom je Klara Naglec předstajiła swoje jara zajimawe masterske dźěło, kiž bě zapodała na Humboldtowej uniwersiśe w Berlinje na temu "Konfigurationen von Staatlichkeit, Kollektivität und Territorialität in der Arbeit des Serbski Sejm" (Konfiguracije statnosće, kolektiwnosće a teritorialnosće w dźěle Serbskego sejma), z kotrehož je so w sćěhowacej diskusiji wotwodźowało wjele wažnych impulsow za dalše dźěło a tež za stajnu sebjerefleksiju Serbskho sejma.

Na spočatku poprawneho posedźenja gratulowaše starobna prezidentka Edith Pjenkowa Měrćinej Wałdźe, dołholětnemu pućrubarju sejmoweho hibanja k jeho před krótkim woswjećenym 70-tym narodninam, zwjazane z najlěpšimi přećami za přichod a z wutrobnym dźakom za wšo naźěłane.

W srjejźišću sćěhowaceje wobsahoweje diskusije k wšelakim aktualnym temam kaž tež k dźěłu sejmowych wuběrkow steještej mj. dr. přiběrace wotpućowanje serbskich wučerkow a wučerjow na němske šule a z tym zwjazane dalše wosłabjenje tak a tak hižo pśemało personala. To žada sej nuznje wujasnjenje a wotstronjenje. Jara positiwne powěsće pak dochadźeja z Drježdźan. Na zakładźe wobstajneho dźěła towarstwa Stup dale započina so za 26 dźěći bórze serbska wučba.

Wotpósłancy radowachu so nad nětko wěstym zdźerženju Prožyma a dalšich wsow před dołho hrožacym wotbagrowanjom a wothłosowachu wó dalšich naprawach k zdźerženju  Miłoraza a tam zakorjeneje serbskeje kultury. Woni diskutěrowachu tež konsekwency noweho rozhłosoweho statneho zrěčenja MDR. Zapodate stejišćo so wuběrkam sposrědkowa.

Wót nětka je Serbski sejm tež na Instergramje zastupjeny: https://www.instagram.com/serbski_sejm/

Podpěrujće dźěło Serbskeho sejma tež z Wašim darom.

Pytamy hišći sobuwojowarki a sobuwojowarjow we wuběrku za zjawnostne dźěło. Štóž chce dźěliś wulku wiziju sejmoweho dźěła ze swětom, njech so prošu přizjewi!

Wróćo