Serbski sejm a Domowinska skupina Njebjelčicy přeprošujetej na počesćenje Jana Skale

Składnostnje 80. posmjertnin Jana Skale (22.01.1945), wuznamneho serbskeho basnika, publicista a politiskeho aktiwista, přeprošujetej Serbski sejm a Domowinska skupina Njebjelčicy na wopomnjenske zarjadowanje.

Počesćenje wotměje so sobotu, dnja 11. januara 2025, a započnje so w 15:30 hodź. z wopomnjenskej ceremoniju při pomniku Jana Skale při pěstowarni w Njebjelčicach. Zhromadnje chcemy spominać na jeho zasłužby wo serbsku kulturu a politiske samopostajowanje.

Po tym přeprošuje so na čitanje basnjow (jedne dočasnje w přiwěšku) z hudźbnymi přinoškami a postrownymi słowami do katolskeje Bjesady.

Wobdźěla so tež kandidaća za 2. Serbski sejm, kotřiž wotměwaja na tutym dnju na městnje dźěłarničku, a steja po tym za rozmołwy z hosćimi k dispoziciji. Tole skići składnosć, so wo zaměrach a wizijach informować a so aktiwnje do dialoga zapřijeć.

Přeprošujemy wšitkich zajimcow wutrobnje, na tutym wosebitym dnju zhromadnje namrěwstwo Jana Skale hódnoćić a přichod serbskeje zhromadnosće sobu wuhotować.