Serbski sejm a Domowinska kupka Njebjelčicy pśepšosyjotej k cesćenju Jana Skala

Pśi góźbje 80. dnja zamrěśa Jana Skale (22.01.1945), wuznamnego serbskego basnikarja, publicista a politiskego aktiwista, pśepšosyjotej Serbski sejm a Domowinska kupka Njebjelčicy na wopomnjeńske zarědowanje.

Wucesćenje wótmějo se sobotu, dnja 11. januara 2025, a zachopijo se w 15:30 góźinach ze spominańskeju ceremoniju pśi pomniku Jana Skale pla źiśownje w Njebjelčicach. Zgromadnje comy spominaś na jogo zasłužby wó serbsku kulturu a politiske samopóstajenje.

Pó tom pśepšosujo se do katolskeje Bjesady na cytanje basnjow (jadna do togo w dodanku) z muzikaliskimi pśinoskami a póstrownymi słowami.

Na njom wobźěliju se teke kandidaty za 2. Serbski sejm, kenž wótměju źěłaŕnicku na toś tom dnju na městnje a stoje pó rozgronje z gósćimi k dispoziciji. To póbitujo góźbu, se wó zaměrach a wizijach informěrowaś a aktiwnje do dialoga zapśimjeś.

Pśepšosujomy wšyknych zajmcow wutšobnje, na toś tom wósebnem dnju zgromadnje gódnośiś derbstwo Jana Skale a sobu wugótowaś pśichod serbskeje zgromadnosći.