Pó Ralbicach a Worklecach pśidu Bórkowy (Błota) a Hodźij

Serbski sejm wita rozsud sakskego kultusowego ministaŕstwa (SZ dnja 19.05.2020), w Ralbicach/Ralbitz a Worklecach/Räckelwitz na wušyma šuloma licbu rědownjow póhušyś, aby mógało wěcej huknicow a huknikow chójźiś na serbskorěcnu hucbu ako jo wóna w šulskej kazni zapisana.

„Toś to zwjaselece huwiśe jo nam góźba, pokazaś na njezwjaselece hobstojnosći zwenka serbskich katolskich stronow", groni powědaŕka kubłańskego huběrka sejma Aneta Zahrodnikowa a hobrośijo se w pśipołožonem zjawnem lisće na sakskeho kultusowego ministra Christiana Piwarza: „Na pśikład njepśipóznajo se serbšćina we Wórjejcach ako druga cuza rěc, tož se hukniki a huknice jeje huwucowanje na zakłaźe hobgranicowanja šulskich góźinow njamógu ako pšawo hupominaś; w Hodźiju/Göda njejo se starjejšym raźiło pśesajźiś se z pominanim za wótpowědneju serbskorěcneju hucbu. Jasny kazniski zakład jo se wót šulowu a šulskeju amtowu ignorěrował. W Bórkowach (Błota) / Burg (Spreewald) wójuju starjejše kaž tež cektaŕki a ceptarje aktualnje za załoženje serbskeje rědownje w nowem šulskem lěśe a se wót amtow późaržuju. Comy něnto śišć póhušyś, aby se kazniske zakłady skóńcnje pó cełem serbskem sedleńskem rumje nałožowali, teke gaž na młogich městnach tak wjele huknikow a huknicow zajm za serbsku hucbu njepokazujo ako w Ralbicach/Ralbitz. Stakim by se zmócnili a rozšyrili naše rěcne rumy a by se zawěsćiło dłujkocasnje pśežywjenje našeje rěcy tež w serbskich katolskich stronach. Zajmowanych starjejšych kaž tež ceptaŕki a ceptarjow pózbuźujomy, se to we wšyknych šulach pominaś a se hobrośiś pódpěry dla na nas, na Serbske šulske towaristwo ako fachowe towaristwo, na wobej Serbskej raźe abo na Domowinu."