Wólby 2. Serbskeho sejma su so zahajili

12. meje bu w Běłej Wodźe wot do toho powołaneje wólbneje komisije namołwa k wólbam do 2. Serbskeho sejma wozjewjena.

Wólbnej komisiji přisłušeja Siegfried Kühn jako nawoda wólbow a Marlis Piacec jako zastupjerka kaž tež Bettina Kralowa, Anne Lindner, Domenico Gruhn a Norbert Šefrich.

Wot hnydom hač do 16. januara 2025 móža so wolerki a wolerjo registrować. Kandidowacy móža so hač do 11. oktobra 2024 nominować. Wot toho časa so podłožki listowych wólbow wupósćelu. 25. januara 2025 (korektura: 08.03.2025) přewjedźe so zjawne wuličenje hłosow. 8. februara 2025 (korektura: 22.03.2025) budźe so 2. Serbski sejm skonstituować.

Dalše informacije, n.př. k aktiwnemu a pasiwnemu wólbnemu prawu, namakaja so w připołoženym flyerje. Tutón wobsahuje nimo toho registrowanski formular. Alternatiwnje je móžno, so online pod www.serbski-sejm-2024.de registrować kaž tež do wólbneho porjada pohladać.