Serbski sejm w rozmołwje ze samozarjadnistwom sewjerneje a wuchodneje Syriskeje
sć kulturnych ludow a nabožinow, bjeztoho zo dyrbimy statne hranicy do prašenja stajeć. Konsekwentna subsidiarita, direktna demokratija a wurazna orientacija na konsens móža wulke konflikty přez lokalne wujednanje k wužitku wšěch spokojić. Tole zasłuža sej šěroku podpěru mjezynarodneho zhromadźenstwa. Runočasnje dawaja tež runoprawnej zhromadnosći Serbow a Němcow we Łužicy drohotne impulsy. Smy so dojednali, kontakt intensiwować a so dale k temam wuměnjeć, jedyn wot druheho wuknyć a samozarjadnistwo sewjerneje a wuchodneje Syriskeje a jeje koncept ludźom we Łužicy ze zarjadowanjemi zeznajomić.“
Astrid Riechmann dodawa: „Našemu towarstwu Willkommen in Bautzen / Witaj w Budyšinje je wažne, po móžnosći wjele informacijow k pochadnym krajam našich čłonow a klientow dóstać a tež w Budyšinje znate činić. Běchu to spočatnje (2015, 2016) hłownje zakładne wěcy k islamej, k wašnju žiwjenja, ćěkanskim čaram a wójnskim pozadkam, hrajachu wot 2020 přeco bóle tež politiske pozadki rólu, wosebje narodne »mjeńšiny« kaž Kurdojo abo Hazara a Tadhiki z ćěkanskich krajow Syriska, Turkowska, Jordaniska resp. Afghanistan, Iran a Irak. Je mjez Němcami a najskerje tež mjez mnohimi njekurdiskimi Syričanami bohužel do dalokeje měry njeznate, zo je demokratiske samozarjadnistwo Sewjerowuchodneje Syriskeje žiwe a samo zastupnistwa w druhich krajach, mj.dr. runje tež w Němskej, ma. Smy na dalšich informaciskich a diskusijnych forumach z knjezom Dawrišom a we wokrjesu Budyšinje bydlacymi Kurdami a Syričanami na kóždy pad zajimowani. Wutrobny dźak Serbskemu sejmej za nawjazanje kontaktow k witanju do Budyšina.“
Pozadk: Po tym zo běchu so jednotki syriskeho stata 2012 z kurdisce wobsydlenych kónčin na sewjeru Syriskeje wróćo sćahnyli, započa so dźěło na lokalnej awtonomiji. Tuta bu 2014 wuwołana, jako so třo kantonojo Afrin, Kobanê a Dźasira za njewotwisne deklarowachu a pod mjenom „Rojava“ (zapadny Kurdistan) zjednoćichu. Po wróćotłóčenju IS bu w septembru 2018 samozarjadnistwo załožene, kotrež wopřija nětko sydom regionow, kotrež kurdiski sydlenski rum Rojava přesahuja. W sewjernej a wuchodnej Syriskej bydli něhdźe pjeć milionow ludźi. Mnohostronska towaršnosć wopřija wjele wšelakich etniskich a nabožnych skupin.
Dalše informacije pod: www.nordundostsyrien.de