Nowinarska konferenca: Namołwa k wólbam do 2. Serbskeho sejma

Přeprošujemy wutrobnje na nowinarsku konferencu k wozjewjenju apela wuznamnych serbskich wosobinow serbskemu ludej k wobdźělenju na wólbach Serbskeho sejma.

Konferenca wotměje so srjedu, 29.01.2025, w 15 hodź. w Němsko-Serbskim ludowym dźiwadle w Budyšinje, Horni zapadny foyer we Wulkim domje, Seminarska 12, 02625 Budyšin.

Nowinarsku konferencu nawjeduje Benedikt Dyrlich. Wón a dalši přitomni podpisarjo namołwy rozłožuja, čehodla maja wólby Serbskeho sejma a šěroke wólbne wobdźělenje za wažne a steja za prašenja k dispoziciji.

Nimo toho předstaja so ćežišća kubłanskeho koncepta, naćiskaj statneho zrěčenja a wustawoweho procesa z časa skutkowanja 1. Serbskeho sejma.

Nowinarska konferenca wotměje so w serbskej rěči z němskim přełožkom.