Kónčny špurt k wólbam Serbskeho sejma, přeprošenje k wuličenju

Je jenož hišće mało dnjow hač do kónca wólbow do 2. Serbskeho sejma. Hač do 27.02.2025 móžeš so hišće pod www.serbski-sejm-2024.de jako wolerka resp. woler za listowe wólby přewjedźene wólby registrować.

Wróćopósłane hłosowanske lisćiki dyrbja hač do 06.03.2025 we 18 hodź. pola wólbneje komisije dóńć. Štóž hišće žane podłožki dóstał njeje, njech to prošu wozjewi wólbnej komisiji wolbna-komisija@serbski-sejm-2024.de. Připódla prajene: Registrowanja k wólbam 1. Serbskeho sejma 2018 dyrbjachu so wotstronić. Je potajkim nowe přizjewjenje za wólby do 2. Serbskeho sejma trěbne.

Hižo 08.03.2025 wot 10 hodź. so hłosy zjawnje wuliča a wuslědki wozjewja. K tomu su wšitcy zajimcy do Njebjelčic/Nebelschütz do katolskeje Bjesady, Hłowna dróha 27, přeprošeni. Za anonymizowane wuličenje hłosa pytaja so hišće dobrowólnicy za předsydstwo listowych wólbow (kandidaća wólbow su wuzamknjeni). Prošu přizjewće so tež za to pola wólbneje komisije pod wolbna-komisija@serbski-sejm-2024.de.