4 lěta Serbski sejm – přeprošenje do Njebjelčic

12. nowembra swjeći Serbski sejm w Njebjelčicach swoje štyrilětne wobstaće. Wšitcy zajimowani su wutrobnje přeprošeni, zhromadnje wróćo zhladować, aktualnu situaciju ludoweho zastupnistwa po puću k wotpohladanej kulturnej a kubłanskej awtonomiji diskutować kaž tež wuhlad na přichod inkluziwnje wólby do druheje legislaturneje periody ćisnyć.

W 10 hodź. přewjedźe so tradicionalne wjesne wobchodźenje z rozmołwami na wotpowědnym městnje schadźowanja, w 11 hodź. zahaji so schadźowanje w domje gmejnskeho zarjada (hłowna dróha 9).

17. nowembra 2018 bě so prěni swobodnje a demokratisce woleny Serbski sejmik w Slepom skonstituował. Wot toho časa dźěła Serbski sejm, přihotuje politiske a prawniske ramikowe wuměnjenja a zakłady jednanja za serbsku kulturnu a kubłansku awtonomiju we wobłuku zjawnoprawniskeje instancy samozarjadnistwa a wupraja so k aktualnopolitiskim temam.