12.05. Swjatočna wólbna namołwa ze swójbnym swjedźenjom

Njedźelu, 12.05.2024, wot 14 hodź. zahaji so w Běłej Wodźe, přewodźany z pisanym ramikowym programom, oficialny zazběh wólbow do 2. Serbskeho sejma – serbskeho parlamenta. W 16 hodź. wotměje so nowinarska konferenca.

Při Wodowej wěži w Schweigstraße / Schweigowa dr. 28 wočakuje hosći tež wjele atrakcijow kaž wopyt kuzłarja Krabata, livehudźba, molowanska dróha, skakanc, energijowy mobil, kofej & tykanc a wjele dalšeho. Zastup je swobodny.

Na předwječoru (11.05., wot 20 hodź.) budźe w Přistawni/Hafenstube w sociokulturnym centrumje Telux beneficny koncert. Pod hesłom „Łužica rokuje“ su Paul Geigerzähler (husličkowy punk z Berlina), Highway Patrol (měšeńca z Voodoo Blues, Wild Rhythm & Western Soul z Halle) a Jacke Schwarz Bande (měšeńca z bluesa, rocka a folka z Berlina) z hosćom. Zastup: 10 €, pod 20 lětami darmotny. Prěnich hosći wočakuje sud darmotneho piwa.