Smy z.t. cłonkojska zgromaźina nominěrujo kandidatki a kandidatow za Serbski sejm

Dnja 11. septembra jo se wótměła w Njebjelčicach cłonkojska zgromaźina Smy z.t. W srjejźišću zgromaźiny su stojali wažne wólby k nominěrowanju kandidatkow a kandidatow za pśiduce wólby do 2. Serbskego sejma, serbskego parlamenta.

Cłonkojska zgromaźina jo nominěrowała a wuzwóliła jadnogłosnje slědujuce wósoby, kótarež su swóju kandidaturu pśiwzeli: dr. Stanisław Nawka, Carola Geppertowa, dr. Tomaš Wornar a Hajko Kozel.

Toś te styri wósobiny budu Smy z.t. pśi wólbach do Serbskego sejma zastupowaś a se za nastupnosći serbskego zgromaźeństwa zasajźowaś. Smy z.t. jo gjarde na to, mógaś takich angažěrowanych a kompetentnych zastupnikow nastajiś a žycy kandiděrujucym wjele wuspěcha pśi pśed nami stojecych wólbach.

Smy z.t. jo serbske towaristwo, kótarež se zasajźujo za zachowanje a spěchowanje serbskeje rěcy, kultury a identity. Towaristwo grajo aktiwnu rolu w serbskem zgromaźeństwje a pśinosujo ku skšuśenju politiskego sobupóstajowanja Serbow.

Až do 11.10.2024 mógu serbske towaristwa a iniciatiwy kandidatow za 2. Serbski sejm nastajiś a zapódaś. Dalšne informacije pód www.serbski-sejm-2024.de