Licenje głosow k wólbam 2. Serbskego sejma
Dnja 8. měrca su se w Njebjelčicach zjawnje hulicyli wótedane głose k wólbam 2. Serbskego sejma pód nawjedowanim wólbneje komisije.
12. maja 2024 jo wjednik wólbow serbski lud napominał k wólbam. 10. decembra 2024 jo wólbna komisija wózjawiła mjenja 39 kandiděrujucych a jo zachopiła z wótpósłanim wólbnych pódłožkow. Až do 6. měrca 2025 su mógali wólaŕki a wólarje swój głos wótedaś. Huzwólowanje jo se bźezhuwześnje pśewjadło ako listowe wólby.
Wjednik wólbow Siegfried Kühn a zastupujuca wjednica wólbow Marlis Pjacojc stej wózjawiłej nachylny huslědk. Toś ten móžo se wótwołaś pód www.serbski-sejm-2024.de. Wótpowědnje tam tejerownosći k downloadoju k dispoziciji stojecemu wólbnemu pórědoju jo se póstajiło 24 wótpósłańcow, ako teke naslědniki, kenž se něnto wót wjednika wólbow informěruju.
Tomaš Čornak, powědaŕ za wólby organizatoriski pódpěrajucy wólbny huběrk, k huslědkoju: Huspěšne pśewjeźenje wólbow jo góźba za wjasele. 1.006 wósobow jo se zapisało na póžedanje do zapiska wólarjow. 762 su jim pósrědnjone wólbne listy slědk pósłali.
Serbski sejm móžo twariś na stabilnu pódpěru w serbskem luźe. Teke gaž jo licba wólaŕkow a wólarjow pitśku mjeńša była nježli k wólbam prědnego Serbskego sejma w lěśe 2018, se pokažo, až eksistěrujo hobstawne wólaŕstwo, kótarež co w serbskem luźe liche wólby za ludowe zastupnistwo a jo njeglědajucy na wjele hyšći hobstojecych pšašanjow wótnowotki był skobodny a angažěrowany, aby stojał za samopóstajony pśichod serbskego luda.
Njewótwisnje wót politiskego husměrjenja, kótarež nowe wótpósłańce drugemu Serbskemu sejmoju pśichodnje daju, jo zaměr, pśi pśiducych wólbach dośpiś huše wobźělenje. K tomu ako teke ku konstruktiwnemu zgromadnemu źěłoju z nowym Serbskim sejmom na dobro našogo luda a wšych Łužycanarjow napominajomy južo něnto wšykne wósoby, towaristwa, zwězki a institucije.
W mjenju Serbskego sejma źěkujom se hutšobnje cłonkam wólbneje komisije Siegfriedoju Kühnoju, Marlis Pjacojc, Betinje Kralowej, Anne Lindnerowej a Domenicojo Gruhnoju, kenž su z wjelikim angažementom a wjele nałožowanym casom dopołnje cesnoamtski zmóžnili toś te demokratiske wólby serbskego parlamenta!